محمد المتعب
الليله الدعوى طرب والا نشب والا هجوس ماادري ولكن شبها يابن الحموله شبَها |
حط الحطب وسط اللهب واجلب لنا بن محموس واليا بديت الهيجنه خلني وانا باصبَها |
يالقير من عقب المطر ماجبت لي علم العسوس تعال اباعطيك الخبر عن المزون وصَبها |
اقعد على جال الجمر باعلمك بعض الدروس وعلومك اللي بخاطرك عجل علي وكبَها |
كليب لو طاع العقل مايذبح حوار البسوس بعض الكباير يافتى ياصغر بذرة حبَها |
بلقيس شاخت باليمن واستحكمت روسِِ ٍ وروس يمشي عليهم رايها ماهوب شرط ٍِ حبَها |
سوق الذهب مايدخله الا الرهاوي بالفلوس ومن كانت ايده خاليه وسط المخابي يظبَها |
ومن كان سيفه من خشب لايفزع بيوم ِعبوس خايف عليه من الجروح اللي صعيبب ٍٍِطبَها |
وانت السنافي والعرب تعرف عزيزين النفوس ساسك عريب ومعدنك من صلب ناس نحبَها |
الليل روًح يافتى واناتلاعب بي الهجوس خل الحطب قرب اللهب وارحل وانا باشبًها |
ردي على القصيده
ياليل ياليل الطرب والناي من نايات جوس لكن لاشبيت نار الحرب لاتنشبّها |
الليل روّح دوس يالمتعب على الطاورق دوس اليا قريت الهيجنه فاحرص عليّ وغبّّها |
عطيتني صوره وهذي صورتي بين العكوس عبّ المخازن والمحازم بالفشايق عبّها |
ذكرتني في غزوةٍ بين الروافض والمجوس الله يعديها على خير ونلاقي طبّها |
الحرب ماترحم هلايمها ولا فيه امحروس نب العرب للموقف الغصاب ولاّ كبّها |
السوق غالي و الذهب محيوس والسوق محيوس والعد ضامي والعطش ما عاد يروي جبّها |
بلقيس شاخت يوم بعض الروس ماتقدر تروس تسوق عطران الشوارب بالخلا وتنبّها |
لا والله الاّ! بالعصا وتسوقهم سوق التيوس بلقيس تقدح شورها لا جابته من عبّها |
لاعادت العشره ليا جتني تظرّس بالظروس اهون علي احبّها وأصعب علي آسبّها |
هذاي مضامين الكلام وزبدته فوق الطروس واليا زعلتوا من حقيقتها رضاكم لبّها |
