سرقان

قام احد القوقلين و محترفي نهب القصائد في لطش احدى قصائدي و طرحها في موقع الشاعر ناصر الفراعنه ونسب ملكيتها اليه في موقف مر عليه في احد ايامه الأليمه!!

فكتبت هذه القصيده وقمت بطرحها كموضوع آخر في نفس المنتدى
اتمنا ان تصل الى حجم ذائقتكم

اشكر صبيان سبيع الغلبا على ماقاموا به من اعمال اداريه راقيه تجاه ذلك الموضوع.

 

يارب ما اسمع  غير  هديك  ولاطيع يامطلع   في   قلب   حامد   ومحمود

اليا    طلبت    الله    والله    ماضيع ابسط يدي له كلما  صرت  مضهود

واشوف خيره  كلما  جيت  لي  ريع الياشكرته    ينفتح    كل    مسدود

ياابكار  فكري  حان  وقت  المطاليع شدي رحالك وانقضي كل  مشدود

تبرك  جمال  الحق  في   موقع   سبيع قبيلتن    ماتقبل    النقص     والزود

معقلين    اهل    العقول     المصاديع اهل الكرم  والطيب  والحق  موجود

قصايدي    ماهي    لفايق     وترقيع مانيب   في   حق   المخاليق    محدود

اطب   في   سوق   المطاليق    وابيع واشري رجالن تعرف البيض والسود

واللي  يسوقه  في  قصيدي   طواميع لايحسبن   الخلق    خبلان    وارقود

اما  اكتبوا  منقول   تحت   المواضيع ولا ابعدوا  عن  كل  شرهه  ومنقود

القوقلين "نسبة الى قوقل بن سيرجو" صاحب محرك البحث

بنت الحمايل للشاعر سعيد القير

فرقا الخوي. للشاعر سعيد القير

شيلات

('http://www.youtube.com/p/FD79B41A8FE509A3?version=3&hl=ar_EG',)

بنت الحمايل للشاعر سعيد القير

فرقا الخوي. للشاعر سعيد القير

منتزه الحرف: الصاحب الكازم

منتزه الحرف: الصاحب الكازم

لو اشتكي لبجاد



لو اشتكي لبجاد  وعناد  مافـاد من قيض ولا برد  ولا  زهـادي

ابسط يدي للي له  الخلق  تنقـاد اللي رفعه سبعه بلايـا عمـادي

هون على ابراهيم من  بعد  مازاد همه وخلا النار سلـم وبـرادي

يارب هونها على العبـد ماعـاد يقدر على قيض الدهر  والنكادي

متى تشوف العين غيمه  ورعـاد واشوف شعبانن تسيل وحمـادي

واشوف لي مخضار  تبتل  الاكباد في شوفته وتعيش مع  جو  هادي

العيشه اللي بين  ريضان  وبـراد ارخص لها حالي ومالـي  وزادي

هذا وانا مانيب هاوي  وقصـاد شاعر وقدح البيت قدح  الزنادي

ماجيت ادور شرهتن بين الاجواد اهيم والشعار فـي كـل  وادي

الشعر له هيبه وحكـام وبـلاد ويفرض علينا نلتزم في  المبـادي

العله



العله اللـي بالحشاعيـت  تطيـب والبـال ضايـق ماتهنـا منـامـه

تسببت لي فـي طلـوع المراقيـب وهمي كما ليل(ن)  يتـوه  ظلامـه

جريت بالمـوال ولاحـي  الذيـب كنه يقول الذيـب  هـذا  علامـه

رديت لـه والله  ياذيـب  مانيـب آقف مواقيـف الـردا  والرخامـه

الآدمـي عايـش  حياةالتجاريـب يومن على جرفن  ويومـن  عدامـه

العرق دساسن على الزين  والعيـب ولافيه شخصن في جبينـه  علامـه

غرتني دقونن على  الوجه  تركيـب وأهل التصنـع  ماعليهـا  ملامـه

جساس يغدر في ولد عمـه كليـب والزيـر سالـم مايفيـد انتقـامـه

أهل الحيل والكذب واهل الاساليب يبطون ماجابوا على الـراس هامـه

رجل الوفا يلقى حلال  المكاسيـب ولا الردي يلقـا الرذيلـه  طعامـه

رجلن يقرب نفسه الشك  والريـب حرام يلبس لـه  ثيـاب  وعمامـه

حبل المراجل  كايـدن  بالمطاليـب ماكـل رجالـن وفـا بالتـزامـه

رجلن ضوى كن المراجل  معازيـب يفرض على كل الرجـال احترامـه

من لا كسب من صافيات  المشاريب راحـت حياتـه كلبوهـا  ندامـه

يانجـد



اه يانجـد العذيـه حالتـي مثلـك شـقـا اشتكي لك واشتكي لي وامسكي طارف يدي

ذكرينـي بالسنيـن الخضـر واللـي مابقـا غير ذكره في زمان الغلـب والحـظ الـردي

ذكرينـي فـي قلوبـن كلبوبوهـا  نـقـا واذكرينـي لليمانـي واذكرينـي للجـدي

واحضنيني فـي مماتـي بينـي وبينـك لقـا اذكريني في مثل شـرواي لاجـاك  ايعـدي

وان سألتيني عن اللي فـوق مرقابـك  رقـا قلت انا وقتي وسم الوقت حادينـي  حـدي

ابك انا والفقـر والنفـس العزيـزه اشققـا ماتصنعـت البشـر ولا ازيـف لـي بـدي

وجد حالي لانكسرظهـر الهقـاوي  لاهقـا في لد شيخن غفـا للمـال واستسمـا ردي

عتب

لا والله الا حدنـي للقلـم شــوق شوق القصايد والعتب جوف الأعماق

سر يا قلم خط القريحـه علـى  ذوق واشرح مشاعر شاعرك فوق  الاوراق

ياحسرتي تجزينـي اليـوم  وتسـوق جملة خطايا تحـرق الماضـي إحـراق

حطيت لك منزل ومنـزال  مرمـوق ملفا ليا ضاقـت وسيعـات الافـاق

ماتدري اني كتلة إحسـاس وعـروق ماتدري اني حرّ من نسـل  الأعـراق

مال الصديق الاّ غلا داخـل  المـوق وماللجفـاالاّ الصبـر والـرب رزاق

وإن شحت الدنيا ترى الخير ملحـوق وما نخسر الدنيا مع  طيب  الأخـلاق

هذا عتب صاحبك  ياصاحبي  فـوق مرقابه اللي ينحـره  كـلّ  ماضـاق



جمّل الله حالكم

ماتوقعت الرمي بالقنـا  والمستحيـل من زناد اللي على الرابيه  صارحتهـا

كبرت القاله و صار الجبل عنده جبيل طالتي في القاف من طيبهـا  ريحتهـا

لا تحرك راكد العكر يلقى له  كفيـل وان لفتني بالخطـا غاليـه سامحتهـا

ياروابي عاتقك لـو يغطيـه الجديـل ما انفضح ستر الستيره وشفنا سحتها

يا شعيل اشتل حملك  وروّح  ياشعيل العدو بتموت...  وتموت  مالقحتهـا

اخذ عبره في المثل قال ما يخدم بخيـل لاتلحقهـا مشاريـه لا رشحتـهـا

العرب نذبح لها يا وجيه الخير  حيـل وان هجدها من عدانا عدا صبحتهـا

جمّل الله حالكم يا هل الفعل الجميـل والله ان آموت الاصحاب  ماجرحتها

مايعوّد في مراح البدو  غير  الحسيـل الحيود الصّم ما نبتلـش فـي نحتهـا





نجوم الصبّح



شدّني رسمش وبرق اسمش وتطريز  الكتابـه واحترافش في غموض الصدر وابرازه  وردّه

اعتزالش في نظر عيني يحقـق لـش مهابـه واختيارش في ميولش للولايف فيـه شِـدّه

همت في واديش واللّي شاقني ذيبه  و  دابـه واعتزلت النايفه والشوق حادينـي وحـدّه

في سمـا نجـد العذيّـه والنعيريّـه سحابـه جادت السّبار وروت كل ضامي فوق  عدّه

لا سألتش لو سمحتي فارسلي صوبي  إجابـه واقنعي قلبي وحطي لي على جاشش  مخـدّه

يانجوم الصبّح طلّي فـي مراقيـب الذيابـه افتحي لي صفحة المشتاق في  كتب  المـودّه

المها والضبي يا الريم الفـلاوي مـا تشابـه والمناوي لـو تمنـى ماينـال اللّـي يـودّه

السهر لا طـال ليلـه زاد قلبـي فالتهابـه وإن عوى سرحان جاريته على شفّه  و  ودّه

لا تواجهتي مع شرواي حطش تحـت نابـه لين يرويش الهوى ويشيل قدرش فوق  يـدّه

انتي انتي ايه انتي زهـرة العمـر و  شبابـه اعزلي قلبش و قلبي في رضا قلبـش بكـدّه

قد شربت الكأس من سم الهوى و اللي نجا به واحدٍ فكره قوى قلبه ولا قد بـاح  سـدّه

وجهة نظر

انا لي في بحور الشعر مركب  واتجـاه  وذوق ولي وجهة نظر في حبك شعـري واتجاهاتـي

احبك القاف كالشعار بالمعنى  واسوقه  سوق واحدد به مدى الانظار وأجمـل بـه ابياتـي

طلعت البارحه في الرجم ماعندي ولا  مخلوق اجر الصوت من حر الزمن والناس  بالذاتـي

إذا كان الزمن له حق عندي لي معاه حقـوق يلمح بالجفا لـي ميـر للمعبـود مشكاتـي

تحققت ولقيت ان الذهب من صاحبه مسروق يخونـون العهـد مـن بيننـا و الاتفاقاتـي

يحز بخاطري لاشفت بعض الخلق بالشاهـوق وطرقان الشوارب في الشـوارع والمحطاتـي

وانا مانيب قالط كل وجبه في صحن  مرقوق ولله الثنـا والشكـر تكفينـي علاقـاتـي

ولا لي فخر في خوة زعيمن شاربـه محلـوق تريس في شعيب اهـل النذالـه والمزاجاتـي

انا من روس قحطان العرب والمجلس  المرموق واعرف الجلسه اللي تلحق الرجال شرهاتـي

اذا كانت عتيبه تنقسم برقـا وقسمـن روق ولي معهم على عهد الوفا روحـه  وجياتـي

سلام الله عليهم عد مالاحت سمـاه  بـروق وتقديـري هديـه وافيـه تحكـي  تحياتـي



يالدجاجـه

نيّاتنـا بيضـا ونيّاتـكـم  بـيـض كلٍ علـى سلمـه يسـوق  المطايـا

حنّا غرضنا لو لقيناه فـي عريـض مـا كـان غنينـا علـى كـل نايـا

مانيب احب آخذ من الناس تعويـض اشبـع علـى يمنـاي أمّ الحكـايـا

الشعـر غنينـاه فالبـرد  والقيـض ولا رجيـنـا للقـوافـي  عطـايـا

مير البلاوي في زمـان الروابيـض اللـي منـوّل قـدرهـم  فالـزوايـا

الوضع متوتـر ويحتـاج  تمريـض المـوت لاصرنـا طعـام  الحيـايـا

الله يعينك يالدجاجـه علـى البيـض لازان حـظ الديـك شيـن  النوايـا

يامعيض عاونا على الوضع يا معيض شيروا على الشورى تحل  القضايـا



الصاحب الكازم

البارحه   فوق   زوري   هم    مترازم والطرف يبحث  على  سبته  ولا  لزمه

يالله  ياللي   لاجاك   العبد   في   لازم تقضيه  في   لازمه   وتشد   في   عزمه

للمحترم  ترخص  الحرشا  على  العازم والجانب   الكابر   المغرور   ما   اعزمه

المحزم    اللّي    هقينا    فيه     متلازم تشرق حقيقته  لا  احتجناه  في  الازمه

ياشينها   لا   توجه    جاهك    العازم يرجع  على  ماش   والهقوات   منهزمه

اللّي   رمعنا   وراه   الطيب    والحازم قصّر  حباله  ولا  شرف   على   حزمه

لا صار لك حاجتٍ في الصاحب الكازم يوجعك  في   كلمتٍ   ماهيب   ملتزمه

يالله  ياللي   لاجاك   العبد   في   لازم تقضيه  في   لازمه   وتشد   في   عزمه